Ատամների իմպլանտացիա

Ատամների իմպլանտացիա կարող է պահանջվել հետևյալ դեպքերում

1. Իմպլանտները կարող են օգտագործվել բացակայող մեկ կամ մի քանի առանձին ատամները փոխարինելու համար: Առավելություն է հանդիսանում այն, որ իմպլանտը հենակետային ծանրությունը վերցնում է իր
վրա, հարևան առողջ ատամները չեն տուժում:
2. Ատամնաշարի ամբողջական բացակայություն։ Իմպլանտները կարող են օգտագործվել ամբողջական ատամնաշարը վերականգնելու համար:
3. Իմպլանտները կարող են օգնել բարելավել շարժական պրոթեզների ներդրումը` դարձնելով պրոթեզների օգտագործումն ավելի հուսալի և հարմարավետ:

Կախված բազմաթիվ գործոններից՝ իմպլանտների օգտագործման տևողությունը կարող է զգալիորեն տարբերվել․ վիրաբուժական միջամտության որակից, իմպլանտների խնամքից և հիվանդի ընդհանուր առողջական վիճակից: Ճիշտ մոտեցման դեպքում, իմպլանտները կարող են ծառայել տասնամյակներ: Երկար օգտագործման ժամկետ ապահովելու համար անհրաժեշտ է իրականացնել պատշաճ խնամք և կանոնավոր այցելել ատամնաբույժի մոտ պլանային ստուգումների:

Ցուցումներ

Ատամների իմպլանտացիայի համար ցուցում է հանդիսանում․
-Մեկ կամ մի քանի ատամների կորուստը։
-Ծնոտի ոսկրային կառուցվածքը ամրացնելու անհրաժեշտությունը:
-Բերանի խոռոչի էսթետիկ գեղեցկությունը վերականգնելու ցանկությունը:
Իմպլանտացիայի համար հատուկ տարիք չի նշվում։ Կարելի է տեղադրել չափահաս տարիքում, երբ ծնոտն ամբողջությամ ձևավորված է։

Ե՞րբ է հակացուցված իմպլանտի տեղադրումը

Ատամների իմպլանտավորման համար հակացուցումներ են հանդիսանում․
-Անբավարար ոսկրային զանգվածը:
- Բերանի խոռոչի լուրջ բորբոքային հիվանդությունները:
- Մակարդելիության լուրջ խանգարումները և այլ գործոններ, որոնք կարող են ազդել վիրահատության հաջող ընթացքի վրա:

Վիրահատությունից առաջ մեր կլինիկայի վիրաբույժ-իմպլանտոլոգը  մանրամասն հավաքագրում է բուժառուի հիվանդության պատմությունը /անամնեզ/, կարիքի դեպքում ուղղորդում հետազոտությունների,այնուհետ բուժառուի մասնակցությամբ ընտրում են համապատասխան իմպլանտը և պլանավորում վիրահատությունը։

Ամրագրի՝ր քո այցը այսօր, ստացիր՝ անվճար խորհրդատվություն և ժպա անկաշկանդ VAN DENT թիմի օգնությամբ։